حدث قبل عام :قصة استشهاد الطفلة منار

كان قبل رمضان بأسبوع،كنا نازحين في مديرية المنصورة أنا وأهلي من التواهي وصغيرتي منار وأهلها من القلوعة

 .
طبعا حال أسرة منار مثل كل الأسر النازحة التي لم تجد مأوى فنزحوا إلى مدارس هروب من العيشة الضنكاء التي كنا نعيشها في المناطق المحاصر من قبل الحوثين وصالح.
نزحت أسرة منار إلى مدرسة خاصة في المنصورة

 .

أتذكر ذالك اليوم وتلك اللحظات اللعينة،كانت الساعة الرابعة فجرا كنت أتكلم أنا مايس نجيب فرحان ان -أخت منار-كانت تكلمني أنها هي وأخوها وأمها بيروحوا اليوم الثاني إلى القلوعة عشان يأخذوا السيارة حقهم لأنهم لمن نزحوا ما أخذوها وطبعا القلوعة محاصرة من الحوثيين الأنجاس كنت أحس بخوف واقله مايس لا لا تروحوا احس بخوف والطريق خطر والحوثيين كلاب لعد ما يخلوكم ترجعوا مثل ما عملوا مع باقي الأسر .

تقلي لا أمي مصره نروح بكرة قلتله طيب طمنيني الآن فيا نوم وطبقنا السماعة أربع وعشرة ،تجهزت للنوم خمس دقائق بضبط مايس تتصلبي مرة ثاني شفت اتصال منه قلت ما برد بتجلس ترغي معي وانا فيا نوم ع أساس بطنش اتصاله قلت خلاص برد بقله بنااام لا تتصلي

الحريق:
رديت عليها مايس تصييييييح احلااااام الحقينا نحن نحرق صوت لايمكن أوصفه عقلي توقف مش قادرة استوعب اش تقول تحرق اقله فهميني اش تحرقوا تقلي نحرق تصرفي ي احلاااااام وفجاء فصل الخط قمت اصيح اماااااه وتخبط من ركن الغرف للركن الثاني مش عارفه أش أسوي اتصل لمن الشبكة ايام الحرب كانت لعينه امي تهديني وتحضني وانا اصيح اتصل لمايس مايمسك الخط اتصل لخطيب اختي مايمسك الخط اتصلت بمعروف معانا بنفس المنطقه رد الخط اقله مايس تحرق الحقه هو مش مستوعب اش اقول قلتله تعالي الان قلي واجي واجي .

اتصلت مايس تقلي احلام منار حرقت انا افتكرت انه حرق بسيط قلتله لاتخافي الان باجيلك انا واخي محمد 
قالت احلام انا واجيالك الان واحد من المقاومة بيجيبني بتاكسي اخذ فلوس عشان المستشفى قلتله تمام تمام تعالي .

خرجت انا واخي الساعه اربع ونص الشارع غدرررررره وضع حرب ورعب بس قويت قلبي مايس تتصلبي تقلي احلام نسيت الطريق طبعا من صدمته ع اخته ماعد تركز قلتله هاتي الدي يسوق بحددله المكان طبعا كانوا جنبنا بس ماعرفت حددت للرجال المكان اجالي .
طلعت التاكس انا واخي اشوف مايس القوية مايس الدي ماتضعف ولا تنكسر لاي امر 
مايس بالتاكسي جالسه تحت الكراسي بدون مقرمة تبكي بجنوووون شفت منظره انصدمت اساله ليش كدا خرجتي .

قصة حريق منار:
تقلي احلااااام منار حرقت كله احلااام شفت الرغوة تخرج من لقف منار اختي حرقت كله انا اهدئه اقله احكيلي اش حصل عبال مانوصل للمستشفى.

قالت :كان اخي يجهز دبب بترول صغيرة عشان ناخذه بكرة عشان لو بنقاط حق الحوثين شافوا البترول بياخذوا ف بنعطيهم دبه دبتين والباقي بنخبيه عشان نقدر نخرج السيارة ،كان يعبي البترول بالمطبخ وطبعا منار وبنات اختي الصغار كانوا يلعبوا بالصاله دخلت منار للمطبخ وكانت الشوله لاصية -شوله ارضية حق نازحين-منار قربت من جنب النار وزبط دبه بترول اشتعل المطبخ منار خافت راحت لركن المطبخ بنات اختي يصيحوا البيت كلهم قاموا يشوفوا المطبخ يحرق انشغلوا يطفوا النار ومحد عارف انه منار بالمطبخ منار تحرق بالمطبخ ومحد عارف ي احلااااام قالت صحيت ع صياح وهلع قمت اشتي اطفي معاهم وكل مانسكب ماء كل ما النار تشتعل وتزيد ومنار تحرق ومحد عارف قمنا نجمع بعض عشان نخرج من البيت تجمعنا ندور منار مش موجوده قالت بنت اختي الصغيرة شفت منار خرجت تجري برع خافت ،طبعا ي احلام شليت نفسي واجري للشارع خفت ع منار لعد يحصله شي بالشارع بوقت متاخر اصيح ادور مش موجودة رجعت للبيت اسمعهم يقولوا منار بالمطبخ تحرق وقد كان المطبخ كله حرررررق دخلت اجري الدخان يرجعنا خواتي وامي حرجوا للشارع بدون عبايات حاول ابي دخل سقط وحرق بيده وماقدر زي المجانين نتخبط منار بنتنا الصغيرة تحرق ونحن ننجوا كيف .

فجاء رجال اجاء من برع قال انا بدخل دخل وخرج منار كله حارقة ي احلام منار كله حااااااارقة تحمله اخي للشارع عيال المقاومه جابو سيارة وطلع محمد وانا اجري بدون مقرمه تعلقت بالسيارة ورحت معاهم لمستشفى النقيب وتصلتبك تجيب فلوس افتكرت مابدخلونا الا فلوس ،قلتله لاتخافي الان بتكون بخير بنوصل وبنشوف وصلت باب مستشفى النقيب المستشفى مقلوبه قلب خوات منار بدون عبايات أم منار مدوخه أبو منار حارق بيده ويتخبط ع بنته محمد اخوها مصدوم وضع لايوصف .

حصلت اختهم الكبيرة اسالها وين منار قالت بالانعاش منار خلاص ي احلام تشوهت بالكامل منار بتموت مايس تصيح لاااااا كدب اختي تمام دخلت للدكتور المسؤل عن حالتها قال منار عايشه ع الاكسجين الان لازم تدبروا مستشفى عندهم جهاز تنفس صناعي .

وطبعا في ذاك الوقت كل المستشفيات ممتليه بجرحى الحرب حسبي الله ع الحوثين وصالح.
اتصلت بامي وخواتي يجيبوا عبايات ومقارم ويجوا لاني مابقدر لوحدي اتحمل واخي راح يجيب الدي انصلتبه بالبداية عشان يروحوا مستشفيات يشوفوا جهاز صناعي ،وعيال كثير كانوا موجودين راحوا يدوروا بالمستشفيات ايضا
لكن للاسف من 5الفجر الى 10 الصباح وهو يدوروا مافي اي مستشفى فيها مكان فاضي 
اخر المطاف واحد من الشباب عرف انه في بمستفشى صابر اجهزة لكن المستشفى مرضت تقبل رفع عليهم السلاح وقلهم طفله تموووت لازم يكون لها مكان وافقوا .

طبعا طول الوقت ده وانا ماشفت منار لانه بالانعاش ومايس طول الوقت وهي ساجده وتصلي وتدعي لاخته.

اتفقنا مع الدكتور انه بينقله لمستشفى صابر وبنروح انا ومايس واخته الكبيرة واخوها فقط الام والاب مابنقلهم لانهم لوشافوا حالة بنتهم يمكن يموتوا -طبعا الاب والام مش عارفين انه بنتهم حرقت بالشكل الفضيع ده فاكرين شي بسيط-
اول ماخرجوا منار من الغرفة شفت جزء منها حسيت قلبي بيوقف شفت رجله وكانه رجل رجل طوييله وعريضه منفووووخه مطبعه كلها احمر وابيض من شده الحريق .

وصلنا لمستشفى صابر :

دخلت منار غرفة الانعاش وتابعت الإجرات وحسي عند مايس المجدوله جنب باب العرفة تصلي وتدعي وعند منار الدي تحارب الموت ،فجاء المستشفى امتلت بأهل منار واجت امه وابوها وخواته واهلي الكل منتظر انه منار تروح معه.

الدكتور يكلمني لوحدي يقول منار حالته خطيرة جدا وتعتبر ميته الان بس ع اجهزه الحريق الدي فيها لايمكن تعيش صعقت منار الملاك منار الطفله المبتسمه ع طول ،تموت وتموت بهذه البشاعه،امي دخلت تشوف منار خرجت دوخت جنب باب الغرفة افتجعت ع امي اصحيها تقلي احلااام حسسسسك ام منار او ابوها يشوفوها حرام يشوفوا بنتهم بده الشكل منار تشوهت كللللله ، سكت وماتكلمت مع احد وقلتلهم روحوا بيتنا وغيروا تيابكم واطمنوا ارجعوا العصر انا ومايس ومحمد اخوها بنجلس هنا عنده ولمن تجوا انتم بنروح سمعوا الكلام وروحوا .

جلست انا ومايس ومحمد اخوها وهم يخططوا انهم بيداوموا من منهم بيجلس مع منار يكون وكيف بيعالجوها لو هي تشوهت كتير انا اتسمعهم وقلبي يتقطع عليهم وع قهرهم ع اختهم الصغيرة،شفت جلستنا مامنه فائده قلتلهم امشوا نروح ناكل لقمه ونغير ونرتاح ولمن الظهر نرجع عشان نقدر نسهر قالوا تمام طبعا انا روحت وعارفه برجع ومنار ميته ميته.

●لحظة موت منار:

رجعنا كلنا المستشفى الساعة4 عصرا 
كلنا عند باب الانعاش كلهم دخلوا يشوفوها امه ابوها خواته اختي وامي انا الوحيده مادخلت خفت ملامح الملاك تتشوه بنظري مش قادرة اشوف ابوها يخرج يصيح وامه خرجت تبكي زي المجنونه مايس تقلي احلام ادخلي معي قمت دخلت معه شفت منظر عمري مابنساه 
منار البالغه من العمر 12سنة السرير مش مكفيها من طوله وعرضه وورمه منار كله وااااارمه حاااااارقة كللللله عارفين اش معنات انسان يحرق كله منظر بششششششع وخاصه طفله
ملامحه مش ملامحه كانه مخلوق فضائي لم اتحمل المنظر خرجت اجري واصيح وابكي شوي خرجت الممرضة تقول منار ‫#‏ماتت